كل يوم طبخه مع سوسو

 طريقه عمل الفطير المشلتت وطريقة فرده بسهوله ويطلع مورق وحلو جدا  المكونات ٤ اكواب من الدقيق  ٣ معالق كبيره من السكر نصف معلقه صغيرة ملح ماء حسب الاحتياج (حولى كوبين الا ربع) زبده (او سمنه بلدى) الطريقه فى حلة او طبق العجن نضع الدقيق والملح ونذوب السكر فى كوب من الماء ونضعه فوق الدقيق للعجن ونعجن جيدا لمدة لا تقل عن عشرة دقائق ونضع الماء بالتدريج لغايه ما يمسك معيا العجين ويبقى كتله واحده  نترك العجين ليرتاح لمدة عشرة دقائق  نفرد العجينه كلها على صنيه او الرخامه ونرش شويه دقيق  بنكون محضرين الذبده ومقلبنها كويس عشان تبقى سهلة الفرد ندهن وش العجينه المفروده بالذبده كويس ونلف العجينه رول ونقطعها لقطع صغيره لو بتعميليها فى الصيف نحطها شويه فى التلاجه عشان الذبده ما تبقاش سايحه معاكى خالص  وبعدين نأخد كل كام قطعه ونفردهم على بعض وبعدين نضم الجوانب ونعملها زى الكورة ونحطها فى الصنيه ونفردها داخل الصنية بالطبطبه  وبالهناء والشفاء 

طريقه الجلاش باللحمه المفرومه وصفه سهله وبسيطه زى ما بعملها بالضبط وبتطلع تحفه وجميله جدا حتى اطفالى حبوها جدا طريقه عمل الجلاش باللحمه المكونات لفة جلاش  نصف كيلو لحمه مفرومه (وممكن تعمليها باقل من كده حسب الموجود ) ٢ حبة بصل متوسطة الحجم مفرومه سمنة ملح وفلفل كوب لبن ٢ بيضه (اختيارى انا شخصيا ما بحطهاش لانى ما بحبش طعم البيض فيها) طريقه التحضير نضع طاسه على النار وبعد ان تسخن نضع سمن بكميه مناسبه (انا بذوده شويه لانى مش بحط سمنة تانى ) بعد ان يسخن السمن نضع البصل المفروم ونقلبه ونضع اللحمه المفروم ونقلبهم معا حتى ينضج اللحم مع البصل ويصير عصاج  نحضر صنيه مستطيلة متوسطه الحجم وندهنها بالسمن وبعد ذالك نفرد طبقتين من الجلاش كل طبقه عباره عن ورقتين ونضع جزء من العصاج ونفرده جيدا وهكذا حتى تنتهى كميه الجلاش والعصاج (انا بعمله كذا طبقه عصاج يعنى طبقه وطبقه) (لاكن ممكن تعملى نصف كمية الجلاش وفى النصف العصاج وبعد ذلك الكميه المتبقيه من الجلاش وهنا حنحتاج انه فى كل طبقه من الجلاش ندهن سمنه عشان تورق ) بعد كده نقطع الجلاش مربعات او الشكل اللى تفضليه ونضعه فى الفرن على نار عاليه  ...