طريقة عمل البيتزا فى البيت خطوة بخطوة

 افضل طريقه لعمل عجيبنه البيتزا والصلصه بتاعتها فى البيت انا شخصيا بعملها لاولادى بيحبوها خالص انا حعملها مشكل جبن 

المكونات

للعجينه 

٤ كوب دقيق 

كيس خميرة

رشه ملح

ملعقة سكر

علبة زبادى 

رشة فلفل اسود

ملعقه صغيرة ثوم بودر وبصل بودر (اختيارى)

نصف ملعقة بابريكا (اختيارى)

ثلاث ملاعق زيت

ماء للعجن دافئ

للصلصة

طماطم

كاتشب

فلفل اخضر بارد

فلفل اخضر حار (اختيارى)

بصله

ثوم

للوجه (الحشو)

جبنه متزاريلا

علبة جبنه نستون

علبة جبنه فيتا 

فلفل اخضر بارد

فلفل الوان 

زيتون مخلى 

الخطوات اولا العجن

فى كوب نضع ماء دافى ومعلقة السكر وكيس الخميرة ونقلبهم كويس ونتركهم على جنب 

فى اناء نضع الدقيق المنخول وعليه رشه الملح والثوم والبصل البودر ورشه الفلفل الاسود والبابريكا ونقلبهم كويس نضع كوب الماء والخميرة وعلبه الزبادى والزيت ونعجن جيدا لمده لا تقل عن عشرة دقائق (طلعى كل الطاقه اللى جواكى فى العجين) نترك العجين لمدة ساعه فى مكان دافئ حتى تخمر 

فى هذه الاثناء نحضر الصلصه 

نقطع البصل لاربع اجزاء وكذلك الطماطم والفلفل الاخضر البارد والحار ونضع معهم الثوم ونضعهم فى حله او طاسه ونضع معلقتين زيت ونقلبهم على النار لغايه ما يشربوا ميتهم كويس نسبهم دقائق يبردو نضعهم فى الخلاط ونضربهم كويس ونرجع نحطهم تانى على النار ونحط عليهم معلقتين كاتشب ونسبهم يتسبكوا كويس ونحطها فى الثلاجه لتبرد لانه ما ينفعش نحطها على العجينه وهى سخنه 

نقطع الفلفل الالوان والاخضر دوائر او مكعبات حسب الرغبه

نقطع الجبنه النستو لقطع صغيره 

نفرغ علبه الفيتا فى طبق ونضربها بشوكه كويس خالص حنى يصبح قوامها كريمى ممكن نحط حتة لبن اذا وجد

بعد مرور الساعه نخرج العجينه ونقطعا لكرات حسب حجم الصوانى المستخدمه ونفرد كل كرة داخل صنيه نحاول انه يكون ثمكها صغير  وبعدين مدهن سطح البيتزا بالصلصه اللى حضرنها ومحط الفلفل الالوان والاخضر والجبنه النستو وجبنه فيتا والزيتون ونحطها داخل الفرن واول ما تقرب تستوى نخرجها ونحط الجبنه المتزريلا على الوجه 

وبالهناء والشفاء